GLS sagan

GLS ráðstefnan var fyrst haldin á Íslandi árið 2009. Þetta hófst allt saman þegar fimm manna áhugahópur úr Salti kristnu samfélagi sótti GLS ráðstefnu í Noregi árið 2007 en einn úr hópnum hafði farið á svona ráðstefnu í USA nokkrum árum áður. Hófu þau fljótlega undirbúningsstarf við að koma ráðstefnunni til Íslands. Þeir Lárus Þór og Sigurður Bjarni hafa haldið utan um framkvæmd ráðstefnanna frá upphafi og skipa framkvæmdastjórn GLS á Íslandi í dag. Á hverju ári hefur verið skipuð undirbúningsnefnd með fagfólki úr atvinnulífinu sem gjarnan er virkt í kirkjustarfi samhliða.

Árið 2008 heimsótti Bill Hybels hóp áhugafólks um GLS hér á landi en þrisvar hafa fulltrúar frá WCA samtökunum verið viðstaddir ráðstefnuna á Íslandi. 
Aðsóknin hefur alltaf verið góð, en ráðstefnan hefur oftast verið haldin í Neskirkju sem rúmar 340 manns. Árið 2015 var ákveðið að söðla um og halda hana í aðalsal Háskólabíós vegna þess að uppselt var árið 2014 og ljóst að þátttakan væri á uppleið. Um 600 manns mættu þá í Háskólabíó.

Markmið GLS á Íslandi er að hvetja og byggja upp leiðtoga bæði í kirkjum og fyrirtækjum/stofnunum til þess að veita góða og vandaða forystu með því m.a. að halda GLS ráðstefnur einu sinni á ári hér á Íslandi auk þess að hafa á boðstólum mynddiska (DVD) með upptökum af fyrirlestrum ráðstefnanna. GLS eru samtök sem leita ekki hagnaðar.

Samtökin GLS Íslandi

Blönduhlíð 26

105 Reykjavík

kt. 440609-1040

This email address is being protected from spambots. You need JavaScript enabled to view it.