Form ráðstefnu

Ráðstefnan verður í stóra sal Haskólabíós. Fyrirlestrar eru sýndir á breiðtjaldi með íslenskum texta með bestu mögulegum hljóð- og myndgæðum. Efnið var tekið upp í ágúst á hverju ári. Íslenskur fyrirlesari er á staðnum og verður stækkaður upp á hvíta tjaldið til að ná sömu áhrifum og bíósalur býður upp á. Ráðstefnan er einstök upplifun og er það álit ráðstefnugesta okkar að þarna hafi þeir farið á heimsklassaráðstefnu án þess að stíga upp í flugvél. Kynnar ráðstefnunnar á sviðinu sjá til þess að efni ráðstefnunnar sé staðfært og matreitt inn í íslenskar aðstæður. Þá gildir einu hvort ráðstefnugestur komi úr heimi viðskipta, stjórnmála, menntamála, kirkjustarfs, góðgerðarstarfs eða sé í raun ekki titlaður sem leiðtogi. Ráðstefnan er ætluð öllum sem vilja efla sig sem leiðtogar óháð því hvort þeir beri slíka ábyrgð í dag. Önnur séreinkenni ráðstefnunnar eru: gæði, kristin gildi, lifandi tónlist, lifandi salur, vinnubækur, hvatning til áframhaldandi eflingar þegar heim er komið.