A.R. Bernard er áhrifamikill trúarleiðtogi og hugsjónamaður og leiðir einn stærsta söfnuð í Bandaríkjunum með meira en 40.000 meðlimi. Áður en hann hóf boðunarstarf sitt átti Bernard farsælan feril í fjármálum sem færði honum áhrifavald meðal æðstu leiðtoga í viðskiptalífinu, afþreyingariðnaði og stjórnmálum. Bernard hefur komið fram á Fox News, CNN, NBC's Today, MSNBC, CBS News, BET, TBN og Daystar TV. Hann er þáttastjórnandi „The Rev og The Rabbi“. Bernard, sem einnig er M.A. í borgarskipulagi, hefur orðið vitni af því hvernig trú hefur fært von inn í borgarhluta sem áður var litið framhjá. Hann rekur kristna menningarmiðstöð og leiddi þróunarverkefni í samstarfi við Gotham byggingarfélagið til að byggja 2000 íbúðir auk heilsugæslu, fræðslumiðstöðvar, verslana, listamiðstöðvar og félagsþjónustumiðstöðvar. Hugsjónir hans og sýn má finna í bókunum Happiness Is…Simple Steps to a Life of Joy og Four Things Women Want from a Man.

Dr. Francesca Gino er prófessor við samninga,- stofnana- og markaðsdeild Harvard Business School. Hún er þekkt fyrir rannsóknir og kennslu á afkastahvetjandi, skapandi og innihaldsríku lífi. Hún er eftirsóttur ráðgjafi og fyrirlesari. Meðal fyrirtækja sem hún hefur liðsinnt eru Disney, Honeywell, Novartis, og Bandaríkjaher. Rannsóknir dr. Gino hafa verið birtar í The Economist, Harvard Business Review, Scientific American and Psychology Today og víðar. Hún hefur verið heiðruð sem ein af 40 bestu viðskiptaprófessorum undir fertugu og í hópi 50 áhrifamestu stjórnunarhugsuða af Thinkers50. Í nýjustu bókinni hennar, Rebel Talent, segir hún frá rannsókn á hvers vegna það borgi sig að brjóta reglur í vinnu og lífinu.

Rich Wilkerson Jr býr yfir miklum samskiptahæfileikum sem hann nýtir sér m.a. til að hvetja ungt fólk og veita því innblástur. Forfeður hans í fjóra ættliði stofnuðu og fóru fyrir kirkjum. Sjálfur hóf Wilkerson boðunarstarf fyrir ungt fólk, sem hann kallar The Rendezvous og stóð fyrir VOUS leiðtogaráðstefnunni árið 2010. Fimm árum síðar stofnaði hann svo VOUS kirkjuna þar sem hann þjónar sem forstöðumaður. VOUS kirkjan hefur getið sér gott orð fyrir öflugt starf í Miami í Flórída. Á hverju sumri stendur Wilkerson og eiginkona hans, DawnCheré, fyrir VOUS leiðtogaráðstefnunni sem laðar til sín þúsundir ungra leiðtoga. Wilkerson hefur sent frá sér tvær bækur, Sandcastle Kings: Meeting Jesus in a Spiritually Bankrupt World og Friend of Sinners: Why Jesus Cares More About Relationship Than Perfection.

Albert Tate er stofnandi Fellowship Church, einni hröðustu vaxandi fjölþjóða-kirkju Bandaríkjana. Hann byrjaði þjónustu sína sem forstöðumaður nokkurra fjölskyldna í lítilli heimakirkju í Mississippi og þar á eftir hinni þekktu Lake Avenue Church í Pasadena, Kaliforníu. Eftir að hann heyrði kall Guðs stofnuðu Albert og kona hans, LaRosa, Fellowship Monrovia í janúar 2012. Á stuttum líftíma sínum hefur þessi Gospel-miðjaða, fjölþjóðlega kirkja margra kynslóða þegar fest sig í sessi sem lífsbreytandi kirkja Krists. Sem hrífandi boðberi hefur Tate ástríðu fyrir því að deila orði Jesú Krists bæði í sinni kirkju og um allan heim. Með blöndu sögumanns og góðum húmor nýtur Tate þess að segja frá elsku Guðs í kirkjum, skólum og á ráðstefnum.